15. doṣadhātumalakṣayavṛddhivijñānīyādhyāyaḥ

pāṭhāntarāḥ

1. 1 ‘svarūpaṃ hi vātādīnāṃ kāryagamyameva, tena kāryamevātra prādhānyāducyate- tatretyādi|’ iti cakraḥ ↩
2. 2 ‘tadāha’ iti pā. ↩
3. 3 ‘dhāraṇamiti arthādapānasya’ iti pā. ↩
4. 4 ‘... śarīramātrasya’ iti pā. ↩
5. 5 ‘...pūraṇabṛṃhaṇatarpaṇabalasthairyakṛt’ iti cakrasammataḥ pāṭhaḥ| “bṛṃhaṇaṃ saumyasnehanatvābhyāṃ śarīrasya, tarpaṇatvamapi saumyatvādbalakāritvaṃ| carake'pyuktaṃ- “prākṛtastu balaṃ śleṣmā” (ca. sū. a. 17) iti cakraḥ ↩
6. 6 ‘...sthānānyāhuḥ’ iti pā. ↩
7. 7 ‘dhairyacyavanaṃ maithunaprayojakatayā’ iti cakraḥ ↩
8. 8 ‘majjā pūrayati, bījārthaharṣakṛcchukram’ iti tāḍapatrapustake pāṭhaḥ ↩
9. 9 purīṣaṃ niḥsāramapyāśayabalakāritayā vāyvagnidhāraṇamupastambhaṃ ca karoti| taduktaṃ- ‘sarvadhātukṣayārtasya balaṃ tasya hi viḍbalam’ (ca. ci. a. 8) iti cakraḥ| ‘prāṇavāyvagnidhāraṇāvaṣṭambhakṛt purīṣam’ iti tāḍapatrapustake pāṭhaḥ ↩
10. 10 ‘vivekatvāt’ iti pā. ↩
11. 11 cakrastu ‘yathoktaraktalakṣaṇaṃ’ iti paṭhati, vyākhyāti ca- ‘yathoktaraktalakṣaṇamiti ārtavarūparaktasya yallakṣaṇamuktaṃ ‘māsi māsi tryahaṃ sraveta’ ityādi, tadevāsya prakṛtisthasya lakṣaṇam’ iti ↩
12. 12 ‘teṣāṃ’ iti pā. ↩
13. 13 ‘svāsthyapravartakaḥ’ iti, ‘svāsthyapravṛttikaḥ’ iti ca pā. ↩
14. 14 āmāśayetarāśayānāṃ śūnyatā’ iti hārāṇacandrasammataḥ pāṭhaḥ| ‘āmāśayetarāśayaśūnyatā śirasaśca’ iti tāḍapatrapustake pāṭhaḥ ↩
15. 15 ‘tṛṣṇā daurbalyaṃ prajāgaraṇaṃ’ iti kvaciddhastalikhitapustake na paṭhyate ↩
16. 16 ‘mandaceṣṭatā sakalaprākṛtavātakriyāṇāmalpatā, mūḍhasañjñatā asamyagjñānam, etacca prākṛtavāyorindriyārthasamprāptikarasya vaiguṇyādupapannam’ iti cakraḥ ↩
17. 17 ‘svayonivardhanadravyāṇi’ iti pā.| ‘svayonītivaktavye yadvardhanamityadhikaṃ karoti, tena svayoniśca yadvātādīnāṃ kaṣāyādi tathā''malakādi pratibhāti tannirāsārthaṃ, taddhi svayonirapi pathyatvaprabhāvabādhitatvānna vardhanaṃ, tathā prabhāvādapi yatkaphādivardhanaṃ matsyādi tadapi gṛhyate ...... tatra vāyorvāyureva yoniḥ, pittasyāgniḥ, kaphasyāpaḥ, raktaṃ tejojalātmakaṃ, māṃsaṃ pārthivaṃ, medo jalapṛthivyātmakam, asthi pṛthivyanilātmakaṃ, majjā śukraṃ cāpyaṃ, mūtraṃ jalānalātmakaṃ, purīṣaṃ pārthivam, ārtavamāgneyaṃ, svedaḥ stanyaṃ cāpyam’ iti cakraḥ ↩
18. 18 ‘dhamanīśaithilyaṃ māṃsakṣaye śuṣirādhāratayā’ iti cakraḥ ↩
19. 19 ‘plīhābhivṛddhirudare medaḥkṣaye vṛddhavātenodaraśūnyatayā ca plīhāsthānādbhraṣṭo vardhate’ iti cakraḥ ↩
20. 20 ‘asthitodaḥ’ iti hārāṇacandrasammataḥ pāṭhaḥ ↩
21. 21 ‘dantabhaṅgo'pi tatprabhavāsthikṣayādeva’ iti cakraḥ ↩
22. 22 ‘alpaśukraraktadarśanaṃ ca śukrakṣaye kupitena vāyunā harṣodīritena ca raktānayanādbhavati’ iti cakraḥ ↩
23. 23 ‘hṛcchabdaḥ pīḍākampaśoṣaśūnyatābhiryojyaḥ| ete ca rasakṣaye vṛddhavātāddhi bhavanti’ iti cakraḥ ↩
24. 24 ‘cakārādihānyatra ca svakarmahāniḥ, paradhātvapacayaśca jñeyaḥ’ iti cakraḥ ↩
25. 25 ‘amlaśītaprārthanā saumyāgneyatvādraktasya svayonitayā bhavati, sirāśaithilyaṃ pūrakaraktālpatayā’ iti cakraḥ ↩
26. 26 ‘abhilāṣaḥ’ iti pā. ↩
27. 27 ‘asthibalatvāt’ iti pā. ↩
28. 28 ‘pratīkāraḥ’ iti hastalikhitapustake na paṭhyate ↩
29. 29 ‘saumyasya’ iti pā. ↩
30. 30 ‘stokastokādyanugrahaḥ’ iti pā. ↩
31. 31 ‘sparśavaiguṇyamiti svedakṣaye vṛddhavātena jñeyam, stabdharomakūpatā svedakṣayeṇa teṣāṃ śuṣkatvāt’ iti cakraḥ ↩
32. 32 ‘tatra saṃśodhanamityanena srotaḥśuddhyarthaṃ śodhanaṃ, tacca vamanaṃ virecanamūrdhvādho vā srotaḥśuddhikaratayā’ iti cakraḥ ↩
33. 33 ‘tvakpāruṣyaṃ’ iti pā. ↩
34. 34 ‘nidrā manaso nivṛttyā bhavati, yaduktaṃ- ‘yadā tu manasi klānte karmātmānaḥ klamānvitāḥ| viṣayebhyo nivartante tadā svapiti mānavaḥ” (ca. sū. a. 21) iti| tatra vāyunā manobhramaṇānnidrā na bhavati, pittasyāpyuṣṇatayā manovikṣepānnidrā svalpā bhavati’ cakraḥ ↩
35. 35 ‘sandhyasthiśliṣṭatā sandhiśleṣaṇakaphavṛddhyā yuktaiva’ iti cakraḥ ↩
36. 36 ‘āṭopamīṣatsaśabdamādhmānam’ iti cakraḥ ↩
37. 37 ‘mūtravṛddhiṃ pracuramūtranirgamam’ iti cakraḥ| ‘mūtravṛddhiṃ’ iti hastalikhitapustake na paṭhyate ↩
38. 38 ‘ārtavaṃ vṛddhatayā vātarodhādaṅgamardaṃ karoti’ iti cakraḥ ↩
39. 39 ‘aviruddhairiti vṛddhasya tathā kṣapaṇaṃ kartavyaṃ yathā'nyadoṣasya dhātorvā vṛddhiḥ kṣayo vā na bhavatīti bhāvaḥ, pratikartavyamiti pratikṣaṇaṃ ca bahudoṣe saṃśodhanenālpe ca saṃśamanena kartavyam| yadyapi vṛddhirvyādhirūpatayā doṣakṛtaiva, tathā'pi rasādyāśrayavaśādapi tadgatadoṣāṇāṃ cikitsāviśeṣo bhavatīti jñeyam’ iti cakraḥ ↩
40. 40 ‘samprati dhātusārabhūtatvena dhātvabhinnasyaujasastathā tatkāryasyabalasya ca prayojanavaśādabhedena svarūpaṃ kṣayaṃ ca cikitsārthamāha baletyādi| yatparaṃ tejaḥ sāraṃ ghṛtamadhusthānīyaṃ pratyekameva rasādīnāṃ yadutkṛṣṭo'śaḥ sārabhāgaḥ sa militvā hṛdayapradhānasthānatvāttatrastha eva ca dhamanībhirhṛdayamūlābhiḥ kṛtsnaṃ śarīraṃ tarpayati balahetuśca dhātūnāṃ bhavati, śukraśoṇitasaṃsargātprabhṛti śarīramadhitiṣṭhate svakarmaṇā tadojaḥ’ iti cakraḥ ↩
41. 41 māṃsaṃ ceha bahirdṛśyamānakāryatayoktaṃ, tenetareṣāmapi dhātūnāṃ sthiratvamupacitatvamanenaivoktaṃ jñeyam| . . . sarvaceṣṭāsvapratīghāta iti atra balarūpatayaujaso balasampādyakriyāsvapratighāto jñeyaḥ| bāhyānāṃ pāyvādīnāṃ karmendriyarūpakaraṇānām, ābhyantarāṇāṃ cakṣurādīnāṃ manaḥsahitānām, ātmakāryameṣāṃ visargādi tathā buddhyādi tathā cintanādi ca| pratipattiratrānuṣṭhānaṃ, tena sarvendriyāṇāṃ svakāryapratipattirojonugrahādbhavatīti vākyārthaḥ| tatrendriyāṇi yadi bhautikāni tadā viśiṣṭabhūtamayenaujasā tadvalabṛṃhaṇaṃ yuktameva| yaduktaṃ carake “śarīraṃ hyapi sattvamanuvidhīyate sattvaṃ ca śarīram” (ca. śā. a. 4) iti cakraḥ ↩
42. 42 ‘śuklamiti prādhānyena śuklaṃ, tena tantrāntaroktaraktādyanugamo'pyaviruddhaḥ| anye śuklasthāne ‘svaccham’ iti paṭhanti, tacca carake ‘prasannam’ iti pāṭhādyuktam| sthiramiti sthāyi| saramiti dehavyāpakatayā’ iti cakraḥ| ‘sthiraṃ sukhaduḥkhayoracañcalaṃ karotīti sthiraṃ, ṇici pacādyac| viviktaṃ pūtaṃ nirmalamiti yāvat’ iti hārāṇacandraḥ ↩
43. 43 ‘kutaḥ khalvidaṃ kṣīyate yena śarīrāṇi śīryanta ityāha- abhighātādityādi| kṣayādatiramaṇādinā dhātvapacayāt| nanvevaṃ cettatvaṃ kathaṃ tarhyebhirhetubhirupataptā sarvakriyāsvasamarthā apyāturāḥ sadyo na mriyanta ityāśaṅkyāha- hītyādi| sarvaṃ vākyaṃ sāvadhāraṇamiti nyāyāt| ebhyo'bhighātādibhya evetyarthaḥ| hi yasmāt| tejaḥ sarvadhātūnāṃ dīptoṃ'śaḥ| ‘oja’ iti niṣkarṣaḥ, vāyunā cālitaṃ sat dhātugrahaṇaniḥsṛtaṃ dhātavo gṛhyanta ebhiriti dhātugrahaṇāni vakṣyamāṇāni srotāṃsi, tebhyo niḥsṛtaṃ nirgataṃ bhavati, tasmāddehino visraṃsayati sarvebhya eva karmabhyo bahiṣkaroti natu sadyo mārayatīti tātparyam| etenaujasaḥ kṣaye mriyate, mūlasthānātpracyāvite tu sarvakarmaṇāmatipatito bhavatītyuktaṃ bhavati| vakṣyati ca ‘kriyāsannirodhaśca visraṃse” iti hārāṇacandraḥ| ‘dhātavo gṛhyante yaistāni dhātugrahaṇāni srotāṃsi ojovāhīni’| yaduktaṃ- ‘ojovahāvidhamyante śarīre'smin samantataḥ’ (ca. sū. a. 30) iti | kiṃvā dhātugrahaṇasrotaḥsthānatayā dhātugrahaṇaṃ hṛdayaṃ, tato niḥsṛtaṃ dhamanībhireva| kiṃvā ‘niṣṭhitam’ iti pāṭhaḥ| tadā ojovāhisrotaḥsu hṛdi sthitamityarthaḥ’ iti cakraḥ ↩
44. 44 ‘vyāpaddoṣaduṣṭatve guṇahīnatvaṃ, liṅgāni bhavantītyuttareṇa sandhiviśleṣādinā yojyam’ cakraḥ| ‘visraṃso vyāpacca kṣayabhedau doṣaduṣṭatayā guṇāpacayenotpatterityaprastutaprastāvāpattirnāśaṅkanīyā, kṣayo hi nāma yathākathañcidapacaya ityavocāma| doṣāṇāṃ vātādīnāṃ svasthānādapagamo doṣacyavanaṃ, kriyā vāṅmanaḥśarīraceṣṭāḥ, tāsāmasamyaṅgāśaḥ kriyā'sannirodhaḥ, ‘na nirodho n cotpattiḥ’ ityādau nāśārthe nirodhaprayogadarśanāt| vakṣyati- ‘aprācuryaṃ kriyāṇāṃ ca’ iti hārāṇacandraḥ ↩
45. 45 ‘liṅgāni sandhiviśleṣaḥ’ ityādistāḍapatrapustake pāṭhaḥ ↩
46. 46 ‘mataṃ visraṃsalakṣaṇam’ iti pā. ↩
47. 47 ‘aviruddhairojonukūlaiḥ, atra mūḍhasañjñamiti viśeṣaṇaṃ tadavasthāyāmeva varjanārtham’ iti hārāṇacandraḥ| ‘kriyāviśeṣairiti ojovardhakaistadviśodhakaiśca, aviruddhairiti agnyādyaviruddhaiḥ, balamiti ojaḥ’ iti cakraḥ ↩
48. 48 naṣṭasañjñamitaraṃ tu’ iti pā. ↩
49. 49 asyāgre ‘itaraṃ tvityādipāṭhāgre'sau paṭhitavyaḥ’ ityadhikaḥ pāṭha upalabhyate kvacitpustake ↩
50. 50 ‘dhātukṣayāditi ojaḥ kṣayāt| sañjñā jñānaṃ, karma vyāpāraḥ, etayoruparama eva mūrcchā| balaṃ śaktiḥ| atra doṣādikṣayavṛddhiprakaraṇe pratikartavyā ojaso vṛddhirnābhihitā, tasyāyurvṛddhivannirvikāratvenābhimatatvādeva’ iti cakraḥ ↩
51. 51 ‘āma eveti ivārtho'yamevaśabdaḥ, raktādirūpeṇāpariṇatatayā apakva ivetyarthaḥ| na tu ‘āmāśayasthaḥ kāyāgnerdaurbalyādavipācitaḥ’ ityādinoktaḥ, tasya rogahetutayā''māśayasthatvena ca medojanakatvāyogāt’ iti cakraḥ ↩
52. 52 medaso'tipravṛddhatvājjāṭharyamāpādayati| tamatijāṭharaṃ kṣudraśvāsa...’ ityādistāḍapatrapustake pāṭhaḥ| ‘jāṭharyamiti bṛhajjaṭharatvaṃ iti cakraḥ ↩
53. 53 ‘balavattarāḥ’ iti pā. ↩
54. 54 ‘cakārāt ‘guru cātarpaṇaṃ śreṣṭhaṃ sthūlānāṃ karśanaṃ prati’ (ca. sū. a. 21) iti samuccinoti’ iti cakraḥ ↩
55. 55 atra ‘kaṭubhāvena’ iti, ‘kledabhāvena’ iti, ‘kiṭṭabhāvena’ iti ca pāṭhāntaratrayamupalabhyate ↩
56. 56 ‘dvāvapi garhitāvetau’ iti cakrasammataḥ pāṭhaḥ ↩
57. 57 ‘atha kṣayavṛddhī prākṛtamānāpekṣe, tacceha noktaṃ, kuta ityāha- vailakṣaṇyādityādi| dīrghahrasvasthūlakṛśabālavṛddhādīnāṃ śarīravailakṣaṇyāt, śarīravailakṣaṇye ca taddoṣādimānavailakṣaṇyamityarthaḥ| asthāyitvāditi doṣādibhiḥ sambadhyate| tena pūrvāhṇe vasante ca kapho vṛddhaḥ, grīṣme sāyaṃ ca kṣīṇaḥ, ityādinā tattadvṛddhikṣayahetuprāptyā'pi doṣadhātumalānāmaniyatamānatvādityarthaḥ| na vidyate iti niyataṃ mānaṃ na vidyate yat śāstrakāreṇa nirdeśyeteti bhāvaḥ| atha kathaṃ tarhi doṣādisāmyavyavahāra ityāha- eṣāmityādi|’ iti cakraḥ ↩
58. 58 ‘yena’ iti pā. ↩
59. 59 ‘abhidhīyate’ iti pā. ↩
60. 60 aprasannendriyatvaṃ sarvadoṣādivikāramānāgatatvenoktaṃ, yato'vaśyaṃ vikāre duḥkhakāriṇi manovāksparśādiṣu vā'nyatamamindriyaṃ vikṛtatayā aprasannaṃ bhavati’ iti cakraḥ ↩
61. 61 ‘syānnaro rogasamanvitaḥ’ iti pā.| ‘etadarogatvaṃ doṣadhātumalasāmyasvāsthyasya lakṣaṇaṃ, svāsthyārthā ca cikitseti bhāvaḥ’ iti cakraḥ ↩
62. 62 ‘samadhātumalakriya iti samā prākṛtadhātūnāṃ malānāṃ ca kriyā prākṛtakarmarūpā yasya sa tathā, atra kriyāgrahaṇaṃ samakriyayaiva dhātumalānāṃ parokṣāṇāṃ prāyaḥ sāmyāvagatiriti sūcanārtham| dhātugrahaṇena upadhātvādīnāṃ dhārakāṇāṃ grahaṇam| agnyādisamatayaiva doṣāḥ samā lakṣyante| atha samāgnitvādyapyantarvartitayā durvijñeyaṃ kathaṃ jñeyamityāha- prasannātmendriyamanā iti| ātmādiprasannatā hi duḥkharūpāgnyādivaiṣamyātmakavikāravirahitatvena bhavati, nahi duḥkhayoge satyātmādiprasannatā sambhavati| ... ātmāditrayābhidhānaṃ ca tribhireva militairnirduḥkhatājñānarūpaprasannatānubhavāt| yaduktam ‘ātmājñaḥ karaṇairyogāt jñānamasya pravartate’ (ca. śā. a. 1) iti| karaṇāni jñāne manaḥsamāhitānīndriyāṇi| tena prasannātmendriyamanastvameva svāsthyalakṣaṇamavyabhicāri vyaktaṃ ca| tatparikaratayā vaidyakasiddhāntopayuktatayā ca samadoṣādyabhidhānamiti yuktaṃ paśyāmaḥ’ iti cakraḥ ↩
63. 63 ‘paṭvapaṭutvamācāryairbahudhoktaṃ’ iti pā. ↩
64. 64 ‘na kimetannirarthakam’ iti pā. ↩