atha viṣayānukramaṇikā | jvaro'tisāro grahaṇī cārśo'jīrṇaṃ visūcikā | alasaśca
vilambī ca krimirukpāṇḍukāmalāḥ
||1|| halīmakaṃ raktapittaṃ rājayakṣmā
uraḥkṣatam | kāso hikkā saha śvāsaiḥ svarabhedastvarocakaḥ
||2|| chardistṛṣṇā ca mūrchādyā rogāḥ
pānātyayādayaḥ | dāhonmādāvapasmāraḥ kathito'thānilāmayaḥ
||3|| vātaraktamūrustambha āmavāto'tha
śūlaruk | paktijaṃ śūlamānāha udāvarto'tha gulmaruk
||4|| hṛdrogo mūtrakṛcchraṃ ca
mūtrāghātastathā'śmarī | prameho madhumehaśca piḍakāśca pramehajāḥ
||5|| medastathodaraṃ śotho vṛddhiśca
galagaṇḍakaḥ | gaṇḍamālā'pacī granthirarbudaḥ ślīpadaṃ tathā
||6|| vidradhirvraṇaśothaśca dvau vraṇau
bhagnanāḍike | bhagandaropadaṃśau ca śūkadoṣastvagāmayaḥ
||7|| śītapittamudardaśca
koṭhaścaivāmlapittakam | visarpaśca savisphoṭaḥ saromāntyo masūrikāḥ
||8||
kṣudrāsyakarṇanāsākṣiśiraḥstrībālakāmayāḥ | viṣaṃ cetyayamuddiṣṭo
rugviniścayasaṅgrahaḥ ||9||
asmin granthe rogasaṅgrahamāha–
1
jvarātisārāvityādi| grahaṇyaścatasraḥ| ekasminnajīrṇanidāne
visūcikālasavilambikā jñeyāḥ| pānātyayādayaḥ pānavibhramādayaḥ| piḍakāḥ
pramehoktāḥ|
2
medodoṣo medorogaḥ| upadaṃśo meḍhrarogaḥ| tvagāmayaḥ kuṣṭharogaḥ|
3
romāntyo masūrikābhedaḥ| āsyaṃ mukham| rugviniścaye ayamuddeśaḥ||9||
subhāṣitaṃ yatra yadasti kiñcittat sarvamekīkṛtamatra yatnāt | viniścaye
sarvarujāṃ narāṇāṃ śrīmādhavavenendukarātmajena
||10|| yat kṛtaṃ sukṛtaṃ kiñcit kṛtvaivaṃ
rugviniścayam | muñcantu jantavastena nityamātaṅkasantatim
||11||
granthakāraḥ svapakṣamāha– subhāṣitamityādi| sugamam||10-11||
iti śrīmādhavakaraviracitaṃ mādhavanidānaṃ samāptam
||70||
iti śrīvācaspativaidyaviracitā mādhavanidānaṭīkā''ṅkadarpaṇākhyā samāptā||70||